admin
ठाणे : अशोक घाग
ठाणे महानगरपालिकेत टेंडर प्रक्रियेवरून मोठा वाद पेटला असून, एका अधिकाऱ्याचा अवमान केल्याच्या निषेधार्थ पालिका कर्मचाऱ्यांनी आक्रमक पवित्रा घेत काम बंद आंदोलन पुकारले आहे. यामुळे पालिकेचे कामकाज ठप्प झाले आहे.
महापालिकेत एका कंत्राटावर चर्चा सुरू असताना नगरसेवक राजेंद्र फाटक यांनी कार्यकारी अभियंता रणधीर राणे यांच्याविरोधात अत्यंत आक्षेपार्ह शब्दांचा वापर केला. त्यांना ‘चोर’ आणि ‘भ्रष्ट अधिकारी’ म्हटल्यामुळे अधिकारी व कर्मचारी वर्गात तीव्र संताप उसळला.
या अपमानास्पद प्रकाराचा निषेध करण्यासाठी मंगळवारी सकाळी ११ वाजल्यापासून सर्व अधिकारी आणि कर्मचाऱ्यांनी लेखणी बंद ठेवून काम बंद आंदोलन सुरू केले. या अचानक पुकारलेल्या आंदोलनामुळे महापालिकेतील अनेक महत्त्वाच्या विभागांचे दैनंदिन कामकाज आणि नागरिकांची कामे ठप्प झाली आहेत. जोपर्यंत याप्रकरणी योग्य कारवाई होत नाही, तोपर्यंत कर्मचारी मागे हटण्यास तयार नाहीत, ज्यामुळे पालिकेतील राजकीय व प्रशासकीय वातावरण चांगलेच तापले आहे.
