admin
मुंबई : प्रतिनिधी
मुंबई महानगरपालिकेत शिवसेना (उद्धव बाळासाहेब ठाकरे) पक्षाला आणखी एक मोठा धक्का बसला असून, माजी नगरसेवक दीपक सावंत यांची सदस्यत्व रद्द करण्यात आले आहे. निवडणूक लढवताना त्यांनी सादर केलेले इतर मागासवर्गीय (ओबीसी) जातीचे प्रमाणपत्र जात पडताळणी समितीने अवैध घोषित केल्यानंतर प्रशासनाने ही मोठी दंडात्मक कारवाई केली आहे. या निर्णयामुळे राजकीय वर्तुळात मोठी खळबळ उडाली आहे.
दीपक सावंत यांनी ओबीसी प्रवर्गासाठी राखीव असलेल्या जागेवरून निवडणूक लढवून विजय मिळवला होता. मात्र, विरोधी उमेदवारांनी त्यांच्या जातीच्या प्रमाणपत्राच्या वैधतेला आव्हान देत तक्रार दाखल केली होती. या तक्रारीनंतर झालेल्या सखोल चौकशीत आणि कागदपत्रांच्या पडताळणीत त्यांचे प्रमाणपत्र कायदेशीर निकषांवर टिकू शकले नाही. अखेर जात पडताळणी समितीने दिलेल्या निर्णयानंतर, महानगरपालिका आयुक्तांनी दीपक सावंत यांचे सदस्यत्व रद्द करत त्यांना तात्काळ प्रभावाने अपात्र घोषित करण्याचे आदेश जारी केले आहेत.
