adminपुणे : पुण्याच्या लोणावळा ग्रामीण भागात झालेल्या केतन अग्रवाल यांच्या दुर्दैवी हत्या प्रकरणात त्यांचे वडील विशाल अग्रवाल यांनी मुख्यमंत्री देवेंद्र फडणवीस यांची भेट घेऊन आपल्या मुलासाठी न्याय मागितला. मुख्यमंत्र्यांनी पीडित कुटुंबाला आश्वस्त केले की, सरकार दोषींना कठोरतम् शिक्षा देण्यासाठी पूर्णपणे कटिबद्ध असून कुटुंबाला न्याय मिळवून देण्यात कोणतीही कसर सोडली जाणार नाही.
या प्रकरणाच्या जलद सुनावणीसाठी फास्ट ट्रॅक कोर्टाची स्थापना करावी आणि विशेष सरकारी वकील म्हणून ज्येष्ठ विधीज्ञ उज्ज्वल निकम यांची नियुक्ती करावी, ही पीडित वडिलांची मागणी मुख्यमंत्र्यांनी तातडीने मान्य केली. मुख्यमंत्री फडणवीस यांनी या संदर्भात विधी व न्याय विभागाच्या सचिवांना त्वरित निर्देश जारी केले आहेत. यासोबतच ज्येष्ठ विधीज्ञ उज्ज्वल निकम यांनीही या प्रकरणात विशेष सरकारी वकील म्हणून काम करण्यास आपली संमती दिली आहे.
