admin
ठाणे : अशोक घाग
बुधवारी सुरू असलेल्या मुसळधार पावसामुळे कळव्यातील मुंबई-पुणे रस्त्यावरील आशेर सोसायटीजवळ, चायनीज सेंटर शेजारी असलेले एक भलेमोठे काटेरी बाभळीचे झाड अचानक कोसळले. बुधवार (ता. १) दुपारी एकच्या सुमारास घडलेल्या या घटनेत तिथे उभ्या असलेल्या दोन चारचाकी वाहनांचे मोठ्या प्रमाणावर नुकसान झाले आहे. मुख्य रस्त्यावरच झाड पडल्यामुळे मुंब्र्याकडे जाणाऱ्या रस्त्याच्या एका बाजूची वाहतूक पूर्णपणे ठप्प झाली आणि जवळपास दोन तास प्रचंड वाहतूक कोंडी निर्माण झाली होती. यामुळे मुंब्र्याकडे जाणाऱ्या वाहनांच्या लांबच लांब रांगा लागल्याने प्रवाशांचा जागच्या जागी खोळंबा झाला. या वाहतूक कोंडीतून मार्ग काढण्यासाठी आणि वाहतूक सुरळीत करण्यासाठी वाहतूक पोलिसांनी शर्थीचे प्रयत्न केले, तर दुसरीकडे घटनेची माहिती मिळताच कळवा प्रभाग समिती आपत्ती व्यवस्थापन कक्षाच्या कर्मचाऱ्यांनी तातडीने घटनास्थळी धाव घेतली आणि गाड्यांवर पडलेले झाड कापून बाजूला करत रस्ता साफ केला.
