• admin
• देश- विदेश
• June 12, 2026
• 33 views

गृहिणी नव्हे ‘राष्ट्रनिर्माती’! रस्ते अपघातातील भरपाईसाठी सर्वोच्च न्यायालयाचा ऐतिहासिक निर्णय; मासिक उत्पन्न ३० हजार रुपये गृहीत धरण्याचे आदेश

गृहिणी केवळ घरकाम करणारी नसून ‘राष्ट्रनिर्माती’ आहे, असे म्हणत सर्वोच्च न्यायालयाने रस्ते अपघातात मृत पावलेल्या गृहिणीच्या कुटुंबाला न्याय देणारा ऐतिहासिक निर्णय दिला आहे. मोटर अपघात भरपाईच्या दाव्यांमध्ये गृहिणीचे अंदाजित मासिक उत्पन्न किमान ३० हजार रुपये गृहीत धरण्याचे आदेश न्यायालयाने दिले असून, महागाईनुसार त्यात दर तीन वर्षांनी १० टक्के चक्रवाढ वाढ केली जाईल. तसेच, अपघाताचे असे दावे एका वर्षाच्या आत निकाली काढण्याचे निर्देशही न्यायालयाने सर्व उच्च न्यायालयांना दिले आहेत.