admin
मुंबई : प्रतिनिधी
संसदेच्या आगामी अधिवेशनापूर्वी आणि महत्त्वाच्या बैठकांपूर्वी शिवसेना (उद्धव बाळासाहेब ठाकरे) पक्षाचे ज्येष्ठ नेते संजय राऊत आणि खासदार अरविंद सावंत यांनी पक्षाच्या सर्व लोकसभा आणि राज्यसभा खासदारांना एकसंध राहण्याचा कडक इशारा दिला आहे. मुंबईतील ‘मातोश्री’वर झालेल्या महत्त्वपूर्ण बैठकीनंतर पत्रकारांशी बोलताना दोन्ही नेत्यांनी स्पष्ट केले की, विरोधकांकडून पसरवल्या जाणाऱ्या ‘ऑपरेशन टायगर’ आणि खासदार फुटण्याच्या अफवा पूर्णपणे खोट्या आणि निराधार आहेत.बैठकीतील काही खासदारांच्या अनुपस्थितीबाबत स्पष्टीकरण देताना संजय राऊत म्हणाले की, जे खासदार वैयक्तिक कारणांमुळे उपस्थित राहू शकले नाहीत, ते या बैठकीत व्हर्च्युअली (ऑनलाईन) जोडले गेले होते. पक्षाचे सर्व खासदार पूर्णपणे एकनिष्ठ आणि एकसंध आहेत.
यासोबतच त्यांनी आक्रमक पवित्रा घेत विरोधकांना इशारा दिला की, जर आमच्या खासदारांना फोडण्यासाठी कोणी ‘ऑपरेशन टायगर’ चालवण्याचा प्रयत्न केला, तर शिवसेना (उबाठा) त्याला ‘ऑपरेशन वोल्फ’ने चोख उत्तर देईल.
दुसरीकडे, खासदार अरविंद सावंत यांनी एकनाथ शिंदे गटावर घणाघाती हल्ला चढवला. ते म्हणाले की, जे लोक दिल्लीसमोर गुडघे टेकतात ते कधीही ‘वाघ’ (टायगर) असू शकत नाहीत; खरे वाघ मातोश्री आणि उद्धव ठाकरे यांच्यासोबत मजबुतीने उभे आहेत.
