admin
मुंबई: विकसितभारत च्या स्वप्नपूर्तीसाठी नारीशक्ती चे योगदान अत्यंत महत्त्वाचे असून, ही नारीशक्ती ज्यावेळी संसाधन म्हणून देशाच्या अर्थव्यवस्थेमध्ये सहभागी होईल, तेव्हाच भारत पूर्णपणे विकसित होईल, असे ठाम प्रतिपादन मुख्यमंत्री देवेंद्र फडणवीस यांनी केले. वांद्रे-कुर्ला कॉम्प्लेक्स (BKC) येथील एमएमआरडीए मैदानावर आयोजित महालक्ष्मीसरस२०२६ प्रदर्शनाच्या उद्घाटनप्रसंगी ते बोलत होते.
महाराष्ट्रात एक कोटी ‘लखपती दीदी’ करण्याचे उद्दिष्ट
महिलांच्या आर्थिक सक्षमीकरणावर भर देताना मुख्यमंत्री म्हणाले की, देशात सर्वात पहिल्या एक कोटी #लखपतीदीदी या आपल्या महाराष्ट्रातच झाल्या पाहिजेत. महिला बचतगटांच्या परिश्रमाचे फळ त्यांना मिळावे यासाठी सरकार सर्वतोपरी प्रयत्न करत असल्याचे त्यांनी यावेळी नमूद केले.
‘उमेद मार्ट’द्वारे महिलांच्या उत्पादनांना जागतिक बाजारपेठ
देशात ई-कॉमर्सचा वेग वाढत असताना महिला बचतगटांची उत्पादने मागे राहू नयेत, यासाठी #उमेदमार्ट या डिजिटल प्लॅटफॉर्मचा शुभारंभ करण्यात आला आहे.
-
या ऑनलाईन प्लॅटफॉर्मवर १००० पेक्षा जास्त वस्तू सूचीबद्ध करण्यात आल्या आहेत.
-
राज्यातील नागरिकांनी महिला बचतगटांना प्रोत्साहन देण्यासाठी ‘उमेद मार्ट’वरूनच खरेदी करावी, असे आवाहन मुख्यमंत्र्यांनी केले.
-
कार्यक्रमादरम्यान ‘उमेद’च्या माध्यमातून यशस्वी झालेल्या ६८ महिलांच्या यशकथांवर आधारित पुस्तकाचे प्रकाशनही करण्यात आले.
मान्यवरांची उपस्थिती
या सोहळ्याला ग्रामविकास व पंचायतराज मंत्री जयकुमार गोरे, कौशल्य विकास मंत्री मंगलप्रभात लोढा, राज्यमंत्री योगेश कदम, मुंबईच्या महापौर रितू तावडे, आणि इतर वरिष्ठ प्रशासकीय अधिकारी उपस्थित होते. मुख्यमंत्र्यांनी प्रदर्शनातील विविध स्टॉल्सला भेट देऊन महिला उद्योजकांशी थेट संवाद साधला आणि त्यांच्या कामाचे कौतुक केले.
