admin
नवी दिल्ली :
एअर मार्शल आशुतोष दीक्षित यांची भारतीय वायुसेनेचे (हवाई दलाचे) नवे प्रमुख म्हणून नियुक्ती करण्यात आली आहे. ते ३१ ऑक्टोबर रोजी विद्यमान प्रमुख अमर प्रीत सिंग यांची जागा घेतील आणि त्यांचा कार्यकाळ ३१ डिसेंबर २०२८ पर्यंत असेल. राष्ट्रपतींनी या नियुक्तीला अधिकृत मंजुरी दिली आहे.
सध्या वायुसेनेच्या उपप्रमुखपदाची धुरा सांभाळणाऱ्या दीक्षित यांची संरक्षण क्षेत्रातील ‘आत्मनिर्भर भारत’ अभियान आणि स्वदेशी ‘तेजस’ विमान प्रकल्पाला गती देण्यात महत्त्वाची भूमिका मानली जाते. १९८६ मध्ये वायुसेनेत रुजू झालेल्या दीक्षित यांना ३,५०० हून अधिक तास उड्डाणाचा अनुभव आहे. आपल्या चार दशकांच्या शानदार कारकिर्दीत त्यांनी कारगिल युद्धातील ‘ऑपरेशन सफेद सागर’ आणि ‘ऑपरेशन रक्षक’ यांसारख्या अनेक महत्त्वपूर्ण लष्करी कारवायांमध्ये सक्रिय योगदान दिले आहे.
